U·IATTIMGIPAONI
Shillong: Meghalaya State Commission for Women (MSCW)-na Chairperson aro memborrangko, search aro select committee-ni de·e ra·baaniko Butbaro man·sonaba donga ine Social Welfare Minister, Paul Lyngdoh Mongolbaro aganaha.
“Cabinet-o chanchirime ra·chakna skangba, uamangni de·e ra·bagiminko anga, Chief Minister, Conrad K. Sangmana mesokchengna nanggen,” Lyngdoh aganaha.
Unaskang, ia gitalgipa women’s commission-o political appointee-rang dongjana gita committee tiktak kam ka·gen ine ine Social Welfare Minister, rongtalen aganahachim.
“Manderangko seokani kamo politics kal·ani dongjana gita chinga name kam ka·gen,” ua agandapaha.
An·tangko kamoniko dondipatna chanchiani gimin Phidalia Toi, unaskangan kamtangoni ong·katahachim ineba nikna man·a.
Commissioner aro Secretary, Social Welfare department, ia Search aro select committee-ko chairperson dake dilenga.