Monday, February 17, 2025
spot_img

Lok Sabha aro District Council election-o Congress chena ka·dongenga

Date:

Share post:

spot_img
spot_img

 

U·IATTIMGIPAONI

SHILLONG: Songadam nokadamrangon pangchakanirang bilakani gimin re·baenggipa 2024 bilsio ong·atna sienggipa Lok Sabha aro District Council election-rangko Congress dol chena ka·dongenga ine Meghalaya Pradesh Congress Committee (MPCC)-ni working president aro KHADC-ni Deputy CEM PN Syiem parakataha.

Syiem-ni parakatani gitade, Lok Sabha aro District Council election-rango Congress dol chena man·aigen indiba ia election-na uamang rakbate kamrangko ka·na nangenga.

Re·baenggipa 2024 bilsion Lok Sabha election baksana KHADC aro JHADC election-koba ong·atengachim ine nikna man·a.

Shillong Parliamentary seat-na Congress dolni candidate-ko seokani bidingo janapatengon, uamang da·o ong·enggipa Shillong-ni MP aro MPCC-ni president Vincent H Pala-nan chakpaaniko on·enga maina ua da·o brigipa changna Shillong MP ong·na gita susana sienga ine MPCC-ni working president aganaha.

“Indake ong·genchimode chinga Congress party-ni gita party tikitko on·ani bidingo candidate-rangko basena nangaon ga·akenga. Indiba MPCC-ni president Pala-an da·o dipet MP ong·engani gimin unan tikitko on·ani cholrang dongbatenga,” ine Syiem aganaha.

Mikkang bilsini KHADC election-o ua Mawsynram constituency-oni susana miksonganirang dongja ineba Syiem parakataha.

“Bang·a manderangan angko Mawsynram-ona re·angpilchina nangniktokenga ine anga ma·sienga indiba 2019 bilsini election-o angko manderang seokahani gimin anga ia changoba Mawkhar-Pynthorumkhrah constituency-onin susana nangnikengkua,” ine ua aganaha.

Voice of the People’s Party (VPP)-ni bilakbaroroengani gimin sing·on, ua VPP-ni giminde mamingkoba aganna gita jechakskaaha.

KHNAM, PDM aro PDF gita dakgipa political dolrangni bon·anganiko ua an·tangan mikrontangchi nikmanaha ine Syiem aganskaaha.

spot_img
spot_img

Related articles

India’s smartphone exports surge by 140 pc to $3 billion in Jan

New Delhi, Feb 17: India’s smartphone exports in January surged by as much as 140 per cent over...

Indian Railways rolls out safety overhaul after New Delhi Station stampede

New Delhi, Feb 17:  In the wake of the tragic stampede at New Delhi Railway Station in which...

Time to recognise growing China, change mindset as threat blown out of proportion, says Sam Pitroda

New Delhi, Feb 17: Congress veteran and Rahul Gandhi's close aide Sam Pitroda has said the threat from...

Stampede at New Delhi Railway Station leaves 18 dead

Confusion between ‘Prayagraj Express, Prayagraj Special’ caused stampede say officials; Delhi police to scan CCTV footage of railway...