Friday, February 14, 2025
spot_img

ASHA worker-rang ‘indefinite strike’-ko ong·atna tik ka·a

Date:

Share post:

spot_img
spot_img

 

U·IATTIMGIPAONI

SHILLONG: Meghalaya a·doko Accredited Social Health Activists (ASHA) worker-rangni dabianirangko sorkari knachakjaengani gimin November 27 tarikoni ‘indefinite strike’ ba ari gri kam dontongate jingjengatna Meghalaya ASHA Workers Union (MASHAWU) tik ka·angaha.

“Skanggipa bako chinga dingtang dingtang a·jarango tom·tomao re·jomanirangko ong·ate jingjengatanirangko dakangaha indiba chingni dabianirangko sorkari knachakjaengani gimin chinga November 27 tarik dipet Secretariat sambao, ari gri kamrangko dontongate jingjengatskana tik ka·angaha,” ine Sonibar salo, Mawlai Motsyiar-o tom·e chanchirimani ja·man MASHAWU-ni president Mary June Myrsing parakataha.

A·dokni Health Minister Ampareen Lyngdoh-ba ASHA-rangni neng·nikanirangko niatna gita gisik nangjaenga ineba ua suk ong·gijaniko parakataha.

ASHA worker-rang nangnikgenchimode je somoioba uko grongena man·aigen ine Health Minister-ni agangipa kattarangni gimin janapatengon, ua uamangko agangrikna okamade dongkuja aro agangrikgenchimoba ASHA-rang uona re·anggenchimosa ua agangrikna kusi ong·enga ine Myrsing, suk ong·gijaniko parakataha.

“ASHA-rang sorkari baksa agangrikna re·bagenchimosa ua ching baksa agangrikna kusi ong·enga aro an·tangde ching baksa chingni nanganirangni gimin agangrikna sikjaenga,” ine Myrsing aganaha.

Health Minister, ASHA-rang baksa agangrikna nangnikbebegenchim ong·ode dingtangmancha seachi okamatna nangachim ineba ua aganaha.

“Media-ni mikkangosan ua chingko agangrikna okamenga aro ian uni gisik nanggijaniko mesokani ong·enga,” ine MASHAWU-ni president parakataha.

Health Minister, ASHA-rang baksa agangrikna nangnikgenchimode uamangba agangrikna kusi ong·aigen ineba ua aganaha.

‘Indefinite strike’-ko ong·atanio executive committee-ni membor-rangsan bakko ra·angaigen ine janapatengon, ia jingjengatani ja·manoba sorkari mamingkoba aganchakjagenchimode November 28 tarik dipet a·dok gimikni ASHA worker-rangba jingjengatanio bak ra·anggen ine Myrsing parakataha.

ASHA worker-rangni man·gniko japrako gong 2000/-oniko gong 5000/-ona bariatchina gita MASHAWU dabiengachim ine nikna man·a.

spot_img
spot_img

Related articles

NPP denies hand in illegal coal mining

SHILLONG, Feb 13: The National People’s Party-led MDA 2.0 government on Thursday debunked the allegations of the opposition...

Top court dissolves CMJ University, upholds Meghalaya govt’s decision

NEW DELHI, Feb 13: The Supreme Court on Thursday upheld the decision of the Meghalaya government in 2014...

Adequate security in place for polls: DGP

SHILLONG, Feb 13: Meghalaya police is leaving no stone unturned to ensure a peaceful election to the KHADC...

Ampareen slams VPP for misleading people on Article 371

SHILLONG, Feb 13: The National People’s Party on Thursday slammed the Voice of the People Party for misleading...