Tuesday, February 11, 2025
spot_img

‘BJP sorkarini ning·o Tribal-rang bang·en namroro silroroaniko nikenga’

Date:

Share post:

spot_img
spot_img

Rama jal·langrangko tarina ma·mong sorkarisa tangkarangko chamatenga: BJP

 

U·IATTIMGIPAONI

SHILLONG: Meghalaya a·doko rama jal·langrangko tarina gita BJP-chi dilenggipa ma·mong sorkarisa tangka paisarangko chamatenga ine Sukrobar salo, BJP Meghalaya-ni spokesperson Mariahom Kharkrang, a·songni Prime Minister Narendra Modi aro Union Road Transport & Highwas Minister Nitin Gadkari-ko mittelpilataha.

Meghalaya a·dokni National Highway 127B ramao Phulbari-Tura ramako bakrodapatna aro taridapna gita gong kror 1,241 tangkarangko Meghalaya a·dokna ma·mong sorkari chame on·ataha ine janapatengon, ia Phulbari-Tura ramako two-lane rama dake taridapanichi Tura-ona aro NH-217 (Tura-Dalu rama gita) Meghalaya a·dokni gipin bakrangona re·ruraenggipa manderangba altubate re·runa man·gnok ine Kharkrang parakataha.

“India a·songni jakgitelko man·aoni bilsi 76 gapanio aro Meghalaya a·dokko man·aoni bilsi 50 gapanio gipin ma·mong sorkarirang, Meghalaya a·dokni rama jal·langrangko namdapatna gisik nangtokjahachim indiba da·alo BJP-chi dilenggipa ma·mong sorkari, Meghalaya a·dokni nanganirangko ma·sie tangka paisarangko chame on·atenga. BJP sorkariko rikchengaonin a·songni Prime Minister Narendra Modi, salgro salaram a·dokrangni namgipa ripeng gita ong·e bang·en dingtanganiko ra·baaha. Salgro salaram a·dokrango rama jal·langrangsan ong·aigija dingtang dingtang a·dokrang baksa bading chiwalgrikaniba tang·doangaha,” ine BJP Meghalaya-ni spokesperson parakataha.

PM Modi-ni jakmako bilakbatatna gita Meghalaya a·dokni BJP-ba rakbate kamrangko ka·anggen ineba ua parakataha.

Indake ong·engon, Prime Minister Narendra Modi-ni ning·omangmangsan Tribal-rang bilakbatataniko man·enga aro namroro silroroanirangkoba nikna man·enga ineba Kharkrang parakataha.

Chattisgarh a·doko Tribal dilgipa Vishnu Deo Sai-ko Chief Minister-na seokahani gimin PM Modi-ko mittelpilangengon, a·song gimikon Tribal jatrangko ra·dona gita BJP sorkari kamko ka·enga ine re·baenggipa bilsini Lok Sabha election-oba BJP-ko seokchina gita Kharkrang, Tribal-rangko didiataha.

“India a·songni bang·a a·dokrangon, mongsongbate salgro salaram a·dokrango Tribal-rang bang·en songdong a·chaktokenga indiba batanggimin bilsi 70-ni gisepo darang ma·mong sorkarirangan Tribal-rangko ra·dona gita gisik nangjaha. PM Modi sorkariko rikchengaonisa ia pilakan dingtangna a·bachengaha aro da·alo an·ching India a·songo skanggipa Tribal President-ko man·aha, a·songni gipin bakrangoba Tribal Chief Minister-ko man·aha aro pilak biaprangon Tribal-rang bilakrorobaengaha,” ine Kharkrang parakataha.

Mikkang bilsini Lok Sabha election-o BJP bang·bate seat-rangko man·ahaode aro Prime Minister Narendra Modi-ni dilanichi Tribal-rangna bang·en namroro silroroanirangko on·angkugen ine BJP Meghalaya-ni spokesperson parakataha.

spot_img
spot_img

Related articles

Trump suspends US Foreign Corruption Act; Adani Group stocks surge

Washington, Feb 11: After US President Donald Trump signed an executive order to halt the enforcement of a...

Aero India 2025: Adani Defence, DRDO unveil Vehicle-Mounted Counter-Drone System

Bengaluru, Feb 11: Adani Defence & Aerospace, in collaboration with the Defence Research and Development Organisation (DRDO), on...

Study shows potassium-enriched salt can reduce recurrent stroke risk

New Delhi, Feb 11: Potassium supplements in salt can significantly reduce the risks of stroke recurrence as well...

India, France stress on synergy at AI Roundtable on sidelines of summit

Paris, Feb 11: The second India-France AI Policy Roundtable held on the sidelines of AI Action Summit 2025...