Friday, September 12, 2025
spot_img

BJP-ni chakpaenganichi NPP-na nangchakeani donggen: UDP

Date:

Share post:

spot_imgspot_img

SHILLONG: BJP-ko manderang ‘Kristianrangni kosako chakatgipa dol’ ine ma·sibattokani gimin Meghalaya a·dokni Lok Sabha seat damgnio BJP-ni NPP-na chakpaaniko on·enganiara NPP-na nangchakeani dongnaba gnang ine United Democratic Party (UDP) parakataha.

Meghalaya a·dokni Lok Sabha seat damgnion BJP susagija NPP-na chakpaaniko on·engani gimin NPP-na kam ka·enggipa manderang, NPP-na dakchaknaba gnang indiba BJP-ko manderang ‘Hindu dol’ aro ‘Kristianrangni kosako chakatgipa dol’ inesa ma·sibattokani gimin ian NPP-ni cholrangko komiatani gita ong·gen ine a·dokni Cabinet Minister aro UDP-ni working president Paul Lyngdoh aganaha.

BJP-ni chakpaaniko on·engani gimin Shillong parliamentary seat-o NPP-ni candidate, BJP-ni laksa vote-rangkode man·dapgnok ine adita salrangna skang, NPP-ni state president aro a·dokni Deputy Chief Minister Prestone Tynsong-ni a·kanggipa kattarangni bidingo janapatskaengon, “Iani bidingo name hisapchengna nanggen. Da·o dipet badita vote-rangko man·gen, ukode anga aganna man·kujawa,” ine Lyngdoh aganskaaha.

Voice of the People’s Party (VPP) dolni gimin janapatskaengon, VPP-ara East Khasi Hills a·jamangmangosan bilakgipa ong·aiani gimin district wise party gitasan ong·aia indiba UDP-de Khasi aro Jaintia Hills a·ja gimikon skanggipa regional party ong·enga ine Lyngdoh parakataha.

“Regional party ong·na gitade political dolrang a·dok gimikon niksenggipa ong·na nanga indiba VPP-o ia dongjani gimin district party gitasan ong·aia,” ine ua aganaha.

Shillong Lok Sabha constituency-o UDP, HSPDP baksa nangrime Regional Democratic Alliance (RDA)-ni gita Robertjune Kharjahrin-ko susaatenga aro VPP-ni gitara Ricky AJ Syngkon-ko susaatskaengachim ine nikna man·a.

Indake ong·engon, UDP-de Khasi aro Jaintia Hills a·ja gimikon skanggipa regional party ong·enga indiba VPP-de East Khasi Hills a·jamangmangosan bilakaiani gimin UDP gitade ong·jawa ine UDP-ni working president parakataha.

Bang·a manderangan UDP-ko NPP baksa sorkario ong·engani gimin sing·dotokenga ine janapatengon, “Meghalaya a·dokko Garo Hills aro Khasi-Jaintia Hills bakgni dakaha. Garo Hills-o manderang NPP-na pu·ontoka aro Khasi-Jaintia Hills jolrangode manderang UDP-HSPDP dolrangna pu·onbata. Uni gimin an·ching manderangni seokanikoba nina nanga,” ine Lyngdoh aganaha.

spot_imgspot_img

Related articles

Bangladesh scrape past Hong Kong

Abu Dhabi, Sep 11: Skipper Litton Das led from the front as Bangladesh registered seven-wicket win over Hong...

SC rejects call to cancel India-Pak match

New Delhi, Sep 11: The Supreme Court on Thursday refused urgent listing of a plea seeking cancellation of...

First-timers Oman take on in-form Pakistan in Asia Cup

Dubai, Sep 11: Pakistan will look to fine-tune their game ahead of the high-profile Asia Cup clash against...

SPL: Laitkor rally to beat leaders Nangkiew Irat 3-1

By Our Reporter Shillong, Sep 11: The race for the Shillong Premier League 2025 title was thrown wide open...