TURA: Adita salrangna skang, East Garo Hills a·jani Rongmil jolo donggipa buring damsao so·otako man·gipa mande sakgittamni nokdangrangna tangka paisarangko gamskachina All Assam Minority Students Union (AAMSU), sorkario dabiangaha.
Iani bidingo AAMSU, Assam aro Meghalaya sorkarirang baksana India sorkarini Home Affairs Ministry-naba sedoate ia sakgittam manderangni nokdangrangna tangka paisarangko gamskachina didiataha.
Ia sakgittam manderangko so·otanio jak donggipa manderangko ta·raken rim·china aro niamo pangchake sastirangko on·china gitaba AAMSU dabiangaha.
An·tangtangni bading chiwalani aro dingtang dingtang kamrangna a·dok damgnini gisepo re·ruraenggipa manderangna nanga gita chel·chakanirangko on·chinaba AAMSU, Assam aro Meghalaya sorkarirangko didiataha.
Assam-ona songreangenggipa Garo Hills-ni manderangko chadrapenga ine jangbingbanganirangkoba AAMSU jegalataha aro iandake tol·e jangbingbangatanirangchi a·dok damgnini gisepo so·sojengjeng ong·ataniko ra·bajachina gitaba manderangko didiataha.
East Garo Hills a·jao Assam-ni mande sakgittamko so·otani bidingo bilake inquiry-ko dakchina didiatengon, a·dok damgni aro jatgnini gisepo maming so·sojengjeng ong·ani gri tom·tomaniko rakkiangkuchinaba AAMSU didiataha.
 |
ReplyForward
|