TURA: Dadenggre Civil Sub-Division-ni ning·o Dam be·gipa Jal Jeevan Mission (JJM) project-ara Romgre songni ong·ja indiba Demdema songnisachim ine Garo Students Union (GSU) Chibinang regional unit talataniko on·ataha.
Garo Hills-ni bang·a biaprangon Jal Jeevan Mission (JJM)-ni kamrangna suk ong·gijaniko paraktokengon, Dadenggre Civil Sub-Division-ni ning·o donggipa Romgre songoba, kamrangko name ka·jahani a·sel ia project-ni Dam pakgni dake be·gruaha ine adita salrangna skangsan GSU Chibinang regional unit matnangatahachim.
GSU Chibinang unit-ni parakatani gitade, ia jolrango songdongenggipa manderangni badi ka·anirangko man·soani ja·man ia songona re·ange nieon, kamrangko name ka·jani a·selsa ia dam be·gruaha ine nikna man·ahachim.
Indake ong·genchimoba ja·mano GSU Chibinang unit-ni membor-rang, PHE department-ni official-rang baksa Romgre songona re·ange nion, ia be·prakanggipa Dam-ara Romgre songni ong·ja indiba Demdema songni JJM project-sa ong·a ine ma·sina man·aha.
“Romgre songna JJM project-ni ning·o a·ako ning·tue kitesa chiko salaha aro Romgre songni JJM project-de matchotnasiengaha,” ine GSU Chibinang regional unit-ni president talataniko on·ataha.
JJM dashboard-o parakani gitade, Romgre songo JJM-chi komibeoba 249 nokdangrang namgnirangko man·enga aro ia 249 nokdangrangoni 219 nokdangrangnade chi pipe-rangko sale on·ahani gimin da·o 30 nokdangrangnasan chi pipe-rangko sale on·na nangaiaha aro ia ge 30 nokdangrangnaba bakan chi pipe-rangko teke on·nasiengaha ine GSU Chibinang regional unit-ni president parakataha.
Dadenggre-o Dam be·gipa JJM project-ara Demdema songnisachim: GSU
Date:
Share post:
