TURA: Garo Hills-ni social activist sakgni dingtang dingtang dake, police officer sakgnini kosako, a·dokni Director General of Police (DGP) aro gipin official-rangna badi ka·doangaha.
Skanggipao Williamnagar-ni social activist Nilbath Ch Marak, Tura-ni Police Inspector Bitching N Marak-ni kosako, ru·utbea bilsiranga manderangko dokkol ka·e roaha ine matnangenba, uko dingtang biapona apjitatchina a·dokni DGP-na sedoataha.
Iani bidingo DGP-na badi ka·e sedoatengon, ia police officer-ni kosako bang·en badi ka·anirangko dakahaoba da·ona kingkingan uni kosako maming ja·kurangko de·kuja aro gipin biapona ra·jitangkujaenga ine Nilbath matnangataha.
Iana skangba ua, Tura-ni police officer Bitching N Marak-ko dingtang biapona apjitatchina dabie a·dokni Additional Chief Secretary-na sedoatahachim.
Ia police officer-ko kam apjitatchipjahani gimin ja·mano Nilbath Marak, Additional Chief Secretary-ni kosakoba Chief Election Commissioner-na badi ka·doangskaahachim.
Indake ong·engon, Tura-ni sakgipin social activist Flaming B Marak-ba South Garo Hills a·jao donggipa Chokpot-ni police officer (Sub-Inspector) DR Marak-ni kosako DGP-na badi ka·doangskaaha.
Magistrate-ni ge·etani gri uko IPC-ni Section 500-ni ning·o case ka·aha ine matnangenba, Chokpot SI-ni kosako ua badi ka·doangaha.
 |
ReplyForward
|