Saturday, July 20, 2024
spot_img

Assam-M’laya simao meligrikgijaniko namatna kam ka·ani ja·donggaatako man·enga

Date:

Share post:

spot_img
spot_img

SHILLONG: Assam a·dokni official-rang aganchakanirangko on·ningjaengani a·sel Assam aro Meghalaya a·dokni simarango meligrikgijaniko namatna kam ka·anirang ja·donggataniko man·na nangkuenga.

Meghalaya a·dokni Cabinet Minister aro West Khasi Hills Regional Committee-ni chairman Paul Lyngdoh-ni parakatani gitade, Assam-ni official-rang Meghalaya a·dokna aganchakanirangko on·ningjaengani a·sel apsan nangrime kam ka·anio ja·donggaataniko man·na nangenga.

“Langpih-ona salsa re·ange nianikosan nangaiahani gimin anga iani bidingo Assam border committee-ni chairman-na u·iatahachim indiba da·alona kingkingan chinga aganchakanirangko man·kujaenga. Assam minister-ni aganchakaniko man·soahaon chinga tarikko tik ka·gnok,” ine Lyngdoh aganaha.

West Khasi Hills-o nangchakegipa kamrangni gimin talataniko on·angengon, “Chinga changgittamna kingking songrangona re·ange agangrikanirangko dakaha aro da·o chinga Langpih-onasan apsan re·ange nina gita nangkuengachim. Langpih-ona apsan re·ange niani ja·mande chinga report-ko on·na man·gnok,” ine a·dokni Cabinet Minister parakataha.

Apsan daken, a·dokni Deputy Chief Minister Prestone Tynsong-chi dilenggipa Ri Bhoi regional committee-ba Assam regional committee-chipakchi aganchakanirangko on·kujaengani a·sel kamrang ja·donggaatako man·na nangenga ine u·iataha.

Nongpoh-ni MLA aro Ri Bhoi regional committee-ni membor Mayralborn Syiem-ni parakatani gitade, uamangba apsan daken Assam-oni aganchakanina sengkuenga.

Gnigipa bako Assam aro Meghalaya a·dokni sorkarirang, Langpih, Borduar, Deshdoonreah, Block-I & II, Psiar-Khanduli aro Nongwah-Mawtamur jolrangko namatna gita kamko ka·engachim ine nikna man·a.

spot_img
spot_img

Related articles

Over 1,300 MeECL casual and contractual workers to gain from HC order on equal pay for equal work

SHILLONG, July 19: More than 1,300 casual and contractual workers of the Meghalaya Energy Corporation Limited (MeECL) are...

NGH-o JJM project-na maram cha·gipa pipe-ko jakkala

TURA: North Garo Hills-ni Menadoba songni Nokma aro songni manderang, jolni local body-ni president, secretary-rang, uamangni songo JJM...

Health dept likely to float fresh tender for 108 emergency ambulance services

SHILLONG, July 19: The Health department is seeking advice from various line departments on floating a fresh tender...

4th teachers move CM for regularisation of service

TURA, July 19: A day after the 4th Teachers submitted a memorandum to Education Minister Rakkam A Sangma...