TURA: South Garo Hills a·jao, Chokpot Civil Sub-Division-ni ning·o donggipa Dura Asimgre songo, Jal Jeevan Mission (JJM)-ni kamrangko matchotchipkujaenga ine songni manderang parakatenba, ia kamrangko ta·raken matchotate on·china PHE department-ko didiataha.
Iani bidingo Dura Asimgre songni Jakrak A Sangma aro Rikchears A Sangma minggipa manderangni parakatani gitade, ia songo rikenggipa JJM-ni tengkiko da·onan matchotchipgija kamrangko galchipe donenga aro iani a·sel songni manderang chirangko man·jae neng·nikanirangko chagrongna nangtokengachim.
“Kamrangko matchotgija donchipenga ine nikgenchimoba RTI ka·e am·sandina gita songni manderang, Baghmara-ni PHE office-ona re·angna choljoktokjae man·tokkujaenga, uni gimin songni manderangni complain ka·anirangko nisoaigija an·tangtangan an·tangtangni daitoko ma·sie, kamrangko matchotate on·china chinga PHE department-ni official-rangko mol·molatenga,” ine Dura Asimgre songni Jakrak Sangma aro Rikchears Sangma parakataha.
JJM-ni tengkiko ta·rake matchotatchina Dura Asimgre songni manderang didia
Date:
Share post: