Sunday, July 21, 2024
spot_img

Umpleng-o mande so·otgipana BJP MLA suk ong·gijaniko paraka

Date:

Share post:

spot_img
spot_img

JOWAI: Meghalaya East Jaintia Hills District-ni Umpleng songo misilgipa obostao sak bri mande-rangko so·ote a·doko niam aro retini obosta namen namjabatroroe raken chan-china nangani ong·enga ine BJP MLA Sanbor Shullai suk ong·gijaniko janapaha. Niam aro retini obosta da·o namen chan-chiani ong·enganiko mesoke, jeba sin·jetaniko man·on bame on·jachina Sanbor Shullai, sorkariko didiaha.
Songsalo niam aro retini obostako namatna sor-kariko seokaha aro ua-mangni daitorangko jako ra·e kamko ka·na nang-chongmota.
Darangba niamni ko-sako ong·na man·ja darang-ba niamko uamangni jak-tangtango ra·na bil dongja Sanbor Shullai, ding-tangmancha jinma sakanti manderangko aro administration-ko mikrakataha. A·gilsako mande saksa sakgipinko so·ote bichal ka·na maming a·sel dongja, kajia-golmal ong·aoniko tom·tomatna MLA, daitoko jako ra·giparangko aro jeba namgija dakani mamlako police-na pakwatchina mol·molaha aro namgija dakgipako bichal ka·e mamlako namatna man·gen, ua aganaha.
A·gilsako jeon social media jakkalrang adita videorangko mesoke, jang-bingbangatna aro tol·tole katta banaie giproroatna man·a, aro songsalni gisepo je ong·enggipa a·selna ding·doe obostako dingtangroroata aro in-dakgipa a·selrang aro tol·gipa ong·gijagipa ko-borrang manderangni namgni ong·na man·ja, Shullai agandapaha.
Pekgipa ringa-cha·ani-rangko aro songsalo gipin gipin neng·nikanirangko bon·at-gimaatna NGO-ni rake kam ka·anina  Sanbor Shullai uamangko mittelaha aro songsalni neng·nika-nirangko namatna kajia-golmal gri jeba kam ka·anirango uni chu·gimik chakpaaniko on·aha.
Democratic-ko tarianio sakantian uni ku·rangko on·a bil-rengsi donga indiba jeko-jakoba dokna-satna ba mande so·otna darangba bil dongja, ua aganaha.

spot_img
spot_img

Related articles

Bangladesh-o jachanggipa student-rangko rimbakuenga

SHILLONG: Bangladesh-o golmalrang ong·enganio Meghalaya a·dokoni aro gipin a·dokrangoni chatro chatrirang baksa rimba-pilaniko dakangkuenga aro Meghalaya a·dokni chatro...

Niamgri skigiparangko rakkiani mamlao matnangatgipa dolgipinrangba ra·gapila

TURA: West Garo Hills-o Rajabala Higher Secondary School-o niamgri skigiparangko rakkiani mamlao dolgipin jemangan Robibar salo matnangataniko dakaha...

Hindi skigipako rakkianio tik ong·janina AHAM matnanga

Rongjeng: East Garo Hills District-o Nongchram Deficit UP School-o skigipako rakkianio tik ong·gijanina maio uamang matnangatachim uano Swapnil...

NALSA-ni bidingo Legal Awareness Programko ong·ata

Shillong:  NALSA (Legal Services to the victims of drug abuse and the eradication of the drug Menace) Scheme...