SHILLONG: Opposition TMC, Assembly-na Leader of Opposition-ni post-ko dingtangatna chittiko sejawa maina ia post-ara a·gipi dilgipa Dr. Mukul Sangma-ni jako re·angna nangao ine aganaha.
“Niamko ja·rike re·a ong·ode ia post-ara State Assembly-ni a·gipi dilgi-pana on·na nangao ga·aka. Jean gitchambatgipa ong·a, ukon LoP songna nanga. Uni gimin maina chittiko sena nanga, jeani gri Dr Mukul-an Leader of Opposition ong·na kraa, ine TMC-ni dilgipa Fernandez Dkhar, aganaha.
Uandake maidake Congress-ba Lok Sabha-o protem speaker-ni post-na jegalaniko dakaha, uko janapataha.
TMC, Ronnie V Lyngdoh baksa maming neng·nikgrikani dongja ine talataha. ‘Da·ode Congress aro NPP apsan ong·e KHADC-o kam ka·enga, ian a·dokna kraae nikja. Assembly-ode uamangan opposition-ko dilenga aro KHADC-ode apsan ong·e kam ka·skaenga”.
Leader of Opposition-ni post-ara da·ode Congress-ni Ronnie V Lyngdoh baksa ong·a indiba party-ni membor sakbriona komiangahachim. Maina Saleng A Sangma, Tura Lok Sabha election-o cheani ja·man resign ka·aha.
TMC baksa sakbonga MLA-rang donga, VPP baksa sakbri donga.
Assembly Speaker Thomas A Sangma, mijaomangmang indine aganaha, da·odipet dolgittam opposition dolrangoni Leader of Opposition aro Opposition Chief Whip-ni post-ko bi·na re·bagipa dongkuja. Aro mikkangchiba indaken ong·angkua ba darangba dabigipa dongjaode ian apsan daken ong·anggen maming dingtangani dongjawa ine Speaker aganaha.
