Tura: Meghalaya aro Bangladesh-ni gisepgriko da·o ong·enggipa a·sel-rango social media-o je skango gipin biap aro somoio ong·gipa golmal-rangko gipatenggipa video-rangko man·e Meghalaya police kimite galaha.
Mejamangmang video ge·gni nakatgipa neng·ni-kataniko on·angaha, jeon chi rikam sepang sima ari jolo saksa manggisiko Bangladesh-o da·o tom·-tomgija ong·enganiko cha-gronggipao chanchapate gipatangaha. Ge·gipin video-ara, sima arini fence gita ga·batna jotton ka·enggipa manderangko social media-o gipataha.
“Skanggipa video-o nakatgipa uan Indo-Myanmar sima ari gisepgriko ong·gipa gitcham video-sa ong·a, iano mesokgipa manggisiko sima ari sepang ramao gale donanggipa ong·a, gnigipa video-ara, 2019 bilsini ‘Milan Mela’-o ong·gipa a·sel ong·a. Indakgipa koborrang aro tol·giparangni bidingo mikrakaniko aro bilake nirokaniko dakchina songdonggiparangko chinga mol·mola,” ine police-ni gita u·iataha.
Indakgipa kamrangni kosako Police Control Room (PCR)-ko u·iatangan baksa ma·sigijagipa indak-gipa video-rangko gipa-tangaoniko champengna a·dokni mande-rangko police mol·moldapangaha. Indakgipa namgijagipa video-rangko +918837423053-ona songdonggipa manderang ka·atna man·gen.
Bangladesh golmal ong·gipani bidingo tol·e tarigipa video-ko police kimite gala
Date:
Share post:
