SHILLONG:  Shillong All Faiths Forum ( SAFF)-ko Sonibar salo Shillong-o 4-gipa Foundation-ko mania.
SAFF-ko Shillong-o COVID-ni somoio dingtang dingtang toromrang aro community-rangko ku·cholsan ong·atna bikotaha.
Ku·cholsan ong·aniko neng·nikani somoiosan rakkiaigija tom·tomani somoioba  dingtang dingtang community-rangni gisepgriko ku·cholsan ong·aniko rakkiangna nangani gimin maniani somoio, Meghalaya DGP Idashisha Nongrang gisiko nange aganangaha.
Community gimikon tom·tomani bidingo gisiko nange kam ka·angna aro nokdang ge·san dake uamangni songsalrango janggi tangna nanga ine ua aganaha.
Sakantina tom·tomaniko ra·bana Meghalaya police kam ka·engani gimin ua aganaha, SAFF dingtang dingtang mamlarango kam ka·enga jean a·dokko tom·tomataniona kam ka·angenggipa ong·a.
A·gilsak gimiko tom·tomani aro ku·cholsan ong·aniko nangenga, India a·song secular aro democratic a·song ong·a iano constitution donga jean silroroanina aro ku·cholsan ong·anina a·songko tang·doatna ra·anga, ine SAFF-ni president Bishop Purely ,yngdoh aganaha.
A·song gimikon jat baseani, mande rong baseani aro torom baseani chanchigiparangan nitopilgija gipengani gimin gisiko nange ua aganangaha, Shillong songjinma dal·roroenggipa songjinma ong·a jeon batanggimin chasongrang da·o ong·enggipa, tom·tomani aro ku·cholsan ong·ani baksa apsan janggi tangenga. Manianirango nitogipa programme-rangko skango mesokangaha.