SHILLONG: Congress MLA sak gittamko ra·galani dorkasto lekkarangni bidingo skango chanchiani ba rai on·ani an·tangni u·i-ma·siani bilgria ba chu·ongijani donga ine agane Advocate General-na watatskana chanchiani bidingo Meghalaya Congress, Assembly Speaker Thomas A Sangma-ko matnangaha.
Congress MLA-rangko NPP baksa bakrimna on·a uni chanchia tik ong·aia ine Speaker nikode maina chittirangko AG-na watata? Haida ian mol·molna nangnaba donga, namnikani ong·gijagipa obostako ua chagronggen maina ua hangjang kamko ka·na chanchiaha ine uo jajrengani dongakon,’’ Meghalaya-ni in·charge AICC Joint Secretary, Mathew Antony aganaha.
Je kamrangna uamang ra·galako man·aha ua obostao chinga MLA-rangko dondipataha. Chinga uamangni gimin Speaker-na aganaha aro Speaker rang·gitik uko AG-na watata. Uamangko bakrimna on·a chanchina skangba ua AG baksa agangrikchengna nangachim, Antony agandapaha.
“Ua mamlako AICC jako ra·enga. Uamang party-ni legal cell baksa chanchie dorkastorangko tariaha.”
Chinga Speaker-ni chanchianio suk ong·jaode chinga high court-ona re·anggen aro high court-ni bichalkoba chinga kusi ong·jaode chinga Supreme Court-ona re·anggen. Chinga Speaker-ni kam ka·aniko sengenga,” Pala aganaha.
Sak gittam gitcham Congress MLA-rangko ra·galani chittirangko a·dokni Advocate General-na uamangni ‘valid’ ong·gipa mamlao uni chanchiako ra·e kam ka·na watatna nanggen,’ Speaker aganaha.
Ra·galani lekkarangko AG-na watatna chanchiani bidingo Cong, Speaker-ko matnanga
Date:
Share post:
