Williamnagar: East Garo Hills Williamnagar sepang Chisobibra-o pangna bilsian December 12 tariko Pa Togan Nengminza-ni siani salko gisik ra·e manironga Indake ia bilsiba apsan daken meja Bristibar salo Pa Togan Nengminza-ni siani bilsi 152 gapaniko maniangaha, iarangni gisepon niksenggipa A·chik matgrikni siani salko gisik ra·e maniao programko dal·e dakna a·dok sorkarioniko maming dakchakaniko man·ja ine program ong·atgiparang aganaha.
Pa Togan Nengmingza-ni siani bilsi 152 gapaniko gisik ra·e PTNSMA programko ong·ataha. Programo aganprakmitingo secretary Arun Marak, ‘programko ong·atanio district ba a·dok sorkarioniko maming dakchakaniko man·ja, jolni saksamangmang MLA Marcuise Marak aro GHADC on·gilaha ine aganaha.
“Williamnagar-ni chingni MLA Marcuise Marak, program-na 50,000 tangkako on·aha, GHADC-ni CEM Albinush Marak-ba apsan daken on·aha, una agrede darangonikoba dakchakaniko man·ja ine Marak aganaha.
A·a-chigatangko British-rangoniko chelchakna dakgrikgipa Matgrikko mande ra·na gita bang·e manderang programo bak ra·rongachim. Jolni mnaderang bang·en Chisobibra-ona sokbaronga aro kal·susanirango bak ra·tokachim indiba batanggimin bilsi gittamrangode programo sokbagiparang komiangjok, tangka paisa chu·songjae programko dal·e ong·atna man·jani gimin manderang sokbaa komiengjok ine secretary aganaha.
Ia bilsini programoba Garo Hills-ni niksenggipa Matgrikni siani salko maniaona bang·gija manderangsan sokaha.
“Pa Togan, A·chikrangni songsalo saksa niksenggipa aro mongsonggipa Matgrik saksa ong·a, uni janggi tanganiko gisik ra·engon dal·e manina nangachim. Chisobibra Park-koba chingasa an·tang tangkachi nirokenga aro jolni manderangni on·gilachi nirokpaenga. Uni gimin chinga a·dok sorkariko an·chingni pagitcham Matgrikni salko gisik ra·e maniao dal·bate manina cholko man·a gita nirokatchina mol·mola, ine Arun aganaha.
Pa Togan memorial day-ko maniao dakchakaniko man·janina suk ong·gijako paraka
Date:
Share post:
