Monday, February 10, 2025
spot_img

Rong·kolosan ong·aigija noktangtangoba olakkina man·a: Rakkam

Date:

Share post:

spot_img
spot_img

SHILLONG: Mawsynram-o donggipa Mawjymbuin Cave ba rong·kolko Hindu olakkigiparangna sal 10-ni gisepon kulie on·piltaijagenchimode Assam aro Meghalaya a·dokni gisepo re·a doani cholrangko champengatgen ine Assam-ni Kutumba Suraksha Parishad (KSP) dol, ka·mikkenataniko on·angani ja·man, manderang rong·kolrangosan ong·aigija noktangtangoba an·tangtangni Isolrangko olakkina man·aia ine Meghalaya a·dokni Education Minister Rakkam A Sangma parakataha.

KSP dolni iandake rama champengna ka·mikkenataniko jegalatengon, toromko dilgipa dol ong·e iandake ka·mikkenatani kattarangko agananiara kraani ong·ja maina pilak toroman tom·tomani aro ku·mong nangrimanikosa bebera·a ine Sangma aganaha.

“An·ching pilakan Isolkosa olakkigiparang ong·e tom·tomani aro meli nangrime donganikosa nanga indiba iandake ka·mikkenataniko on·aniara torom dolrangnade namen kragijani ong·a,” ine ua aganenba, Mawsynram-o songdongenggipa manderangni nangnikanikoba mande ra·na nanga ine parakataha.

“Mawsynram-ni rong·kolo olakkiaiani giminsande pattianiko man·gen ong·ja, na·simang noktango aro Assam-ni dingtang dingtang mite nokrangoba olakkina biaprang bang·en donga. Isolde pilak biapon donga, uni gimin na·simang noktangon mite nokko rikna man·a,” ineba ua aganaha.

Mawsynram-ni Mawjynbuin rong·kolo Hindurangni olakkianiko champengatahani gimin adita salrangna skangsan KSP-ni president Satya Ranjan Bora, Assam-oni Meghalaya a·dokona dakbagipa ramako champengskana ka·mikkenatahachim ine nikna man·a.

spot_img
spot_img

Related articles

ABSU team meets Shah; discusses need to strengthen Sixth Schedule areas

Guwahati, Feb 10: A delegation from the All-Bodo Students' Union (ABSU) met Union home minister Amit Shah in...

Adani Group joins Mayo Clinic, donates Rs 6,000 cr to build two integrated health campuses in India

Ahmedabad, Feb 10: Gautam Adani, the Chairman of the Adani Group, on Monday announced to launch Adani Health...

‘Make in India’ booster: Nothing to locally manufacture new smartphone series

New Delhi, Feb 10: Aligning with the government’s ‘Make in India’ initiative, London-based technology company Nothing on Monday...

Aero India 2025: Rajnath Singh calls for unity amid global challenges

Bengaluru, Feb 10: Defence Minister Rajnath Singh has urged like-minded nations to come together to address global uncertainties...