RESUBELPARA: North Garo Hills a·jao 2025-2026 bilsini Draft Annual Plan-ko ra·chakna gita mijal Mongolbar salni bako District Planning & Development Council (DPDC)-ni gita dingtang dingtang department-ni officer-rang baksa Resubelpara-ni DC office Conference Hall-o tom·aniko ong·atangaha.
Ia tom·aniko DPDC-ni Chairman aro Mendipathar MLA Marthon J Sangma dilangaha aro tom·anio, Kharkutta-ni MLA Rupert Momin, North Garo Hills-ni Deputy Commissioner AK Singh aro dingtang dingtang department-ni officer-rangba bak ra·angtokaha.
Ia tom·anio DPDC-ni Chairman Marthon J Sangma, dingtang dingtang department-rangni proposal-rangko nie taridapenba, 2025-2026 bilsini Draft Annual Plan-ko ra·chakangaha.
Ia DPDC-ni tom·anio, Agriculture, Horticulture, Education, ICDS, Health & Family Welfare, PWD (R) Resubelpara & Kharkutta Division, PHE, Social Welfare, Tourism, Sports, MBDA, DCIC, Handloom, Sericulture, Resubelpara Municipal Board, State Seed farm Sambrak, Water & Soil Conservation, Urban Affairs, Water Resources, ITI aro Animal Husbandry & Veterinary department-rangni proposal-rangko ra·chakangaha.
