SHILLONG: Meghalaya a·doko jawilwat tarianiko nambatatna gita jawilwat tarienggipa manderangna tangka paisani gita dakchake on·aniko a·dokni Chief Minister Conrad K Sangma, Mongolbar salo, Hello Meghalaya Conclave 2024-ko ong·atanio a·bachengate on·angaha.
Ia program-ko ong·atanio, a·doko jawilwat tarigipa sakgittam manderang, chong·motan Dominic Sangma, Pradip Kurbah aro Simi Khongtiang-na uamangni kamrangko namdapatna gita sakprako gong lak 35 ka·e tangka paisarangko on·angjolaha.
Iandake a·doko jawilwat tarigiparangna tangka paisarangko dakchake on·aniara Hello Meghalaya-ni Over-The-Top (OTT) platform-o bak ong·enggipa ong·a aro ia program-ni ning·o jawilwat tarigiparang, project mingprako gong lak 5 tangkako man·gen aro national ba international gadango mingsingako man·gipa jawilwatrangde tangka paisarangko man·dapgen.
‘Hello Meghalaya’ program-ko 2023 bilsini July jao a·bachenga intalan Kerala a·dok gita Meghalaya a·dokba OTT platform-ko chalaianio gnigipa ong·aha.
Ia platform-ni ning·o dokna dam·na gisik nanggiparang aro jawilwat tarigiparangko man·chape content creator-rang, an·tangtangni kamrangko mesokna aro tangka paisani gita dakchakanirangko ra·na cholko on·enga. Content creator-rang, an·tangtangni video-rangni mingsing minggamanio pangchake japrakon gong 18,000-ona kingking man·ani donggen.
Ia platform-ara bakkandikgipa jawilwatrangko tarienggiparangnaba an·tangtangni kamrangko mesokna a·dokni entertainment industry-ko tang·doatna cholko on·enga.
A·doko jawilwat tarigiparangna tangka paisani gita dakchakaniko a·bachengata
Date:
Share post:
