TURA: Chief Minister’s Catalytic Fund for Achieving Sustainable Development Goals (SDGs) 2025-26-ni ning·o District Action Plan-ko tarina gita Sukrobar salo, dingtang dingtang department-rang, Tura-ni Circuit House-o tom·e chanchirimangaha.
Ia tom·aniko, West Garo Hills a·jani Deputy Commissioner Vibhor Aggarwal dilangaha aro tom·anio dingtang dingtang department-ni officer-rangba dongpae bak ra·angtokaha.
Ia tom·anio, West Garo Hills a·jani Sustainable Development Goals-rangko nipilangan baksana officer-rang apsan chanchirimanirangkoba dakangaha.
Sorkari department-rango dingtang dingtang kamrangni bidingo manderangni badi ka·anirangkoba ia tom·anio nipilangaha aro kamrangko namdapatna gita tik ka·e donangaha.