SHILLONG: NEC, Meghalaya-ni dingtang dingtang infrastructure project-rangna tangka on·atgipa kamrang gimikan matchotjokl. Jedake South Garo Hills-o Capt. Williamson Sangma Memorial Collage-na Boys & Girls Hostel Block rikani June 16-o matchotaha aro East Khasi Hills aro South West Khasi Hills ni Mawsynram aro Shella BHolaganj-o Ramakrishna Mission School-ko ra·dodapatani June 24 o matchotaha.
South Garo Hills-o Capt. Williamson Sangma Memorial Collage-na Boys & Girls Hostel Block-ko rikna 2021 bilsini June jao kror 1,6666 tangkarangko chamata aro iako rikna tangka paisako on·ataniara SGH ni diltugipa songrangoni chubata gadango poraina ia College-ona re·baengon iako Hostelo dongchake poraichina dakchakaniko on·a miksonge on·ataha. Ramakrishna Mission School-ko namdapatna 2020 bilsini December jao kror 4,2997 tangkarangko on·ataha. Ia project-ko matchotahani gimin da·ode iano bimung segatgiparang 45.2% mangni gita chatro chatrirang baridapgnok ineba NEC aganangaha. North Eastern Council (NEC) gimik crore 9,14,55,500 tangkarangko Meghalaya-ni mingsni project-rangna on·ataha. Ua tangkarangko dingtang dingtang project-rangna jakkalaha.
