SHILLONG: Home Minster, Lahkmen Rymbui, a·dokni gimik police personnel-rangko Covid-19 sabisioni naljokna covid tika su·china aganataha.
“Police personnel-rang frontline worker ba mikkangchake sabisiko warachakgiparang ong·ani gimin uamangko covid tika su·na jotton ka·enga. Da·odipet a·dokni 70 percent police personnel-rangko tika su·aha, ine Rymbui, koborna u·iataha.
Minggipin mitam police personnel-rangko covid positive man·enga, uni gimin tika su·na nangchongmota. Uandake Tynsong, Director General of Police (DGP), R. Chandranathan-ko Mawlai Mawiong aro Tura Goeragre police battalion-ona chu·onga gita medical oxygen-ko aro sannani facility-ko donchina ge·etaha.
“Police personnel-rangoni covid positive man·giparangko public health facility-ona ra·ange sannani palo an·tangtangni health facility-o sanna man·on nambatagen. Unbaksana gimik police battalion-on quarantine centre-kobo donchina agan-ku·pattiataha.”
Indake ong·engon Education department-koba nirokenggipa Rymbui, indine agankuaha, “educational institution-ni dilgipa, teacher ba skigiparangkoba covid tika su·china agantokaha. Maina uamang dingtang dingtang bi·sarangko grongna gita nanga.”
