New Delhi: Justice N.V. Ramana, Indiani 48-gipa Chief Justice-na mijalo President Ram Nath Kovind-ni jakchi, Prime Minister Narendra Modi, Vice-President Venkaiah Naidu aro gipin dilgiparangni mikkango Rashtrapati Bhavan-o ku·mikchetaniko dakangaha.
Justice Ramana 2022 bilsini August 26 tarikona kingking Indiani Chief Justice ong·e kamko ka·anggen. February 17, 2014 bilsio Supreme Court-ona re·bana skang, Justice Ramana, Delhi High Court-o chief justice ong·e kam ka·engachim. Justice Ramana, Andhra Pradesh High Court-oba chief justice ong·e dangdike on·baaha.
Justice N.V. Ramana, da·o ong·katanggipa Indiani Chief Justice, Justice S.A. Bobde-ni palo kamko jako ra·rikaha, jean April 23-o kamoni neng·takaha.
