TURA: West Garo Hills a·jao COVID-19-ni giproroaniko champengna gita re·baenggipa May 1 tarikoni 10 tarikona manderangni skatang re·ruraanirangko champengatengani gimin gipin biaprango donge West Garo Hills a·jani sorkari office-rango kam ka·enggipa manderangko ia salrangni gisepo kamtangtangon dongkame kamko ka·china gita West Garo Hills a·jani Deputy Commissioner Ram Singh u·iataha.
Deputy Commissioner-ni u·iatani gitade, May 1 tarikoni May 10 tarikona kingking manderangni re·ruraanirangko champengatengani gimin gipin biaprango donge West Garo Hills a·jao kamko ka·enggipa manderang re·ruraanirango neng·nikanirangko man·naba gnang. Uni gimin gipin biaprango donge West Garo Hills a·jani sorkari office-rango kam ka·enggipa manderangko headquarter-o donge kamko ka·china u·iataha.
Ian West Garo Hills a·jani ning·o donggipa civil sub-division-rango kamko ka·enggipa manderangnaba ong·gen aro DC-ni permission gri ia niamko pe·genchimode nanga gita sastirangko man·gen ineba Deputy Commissioner mikrakataniko on·angaha.
