SHILLONG: A·songo COVID-19 sabisini a·sel obostarang namjabataona sokengani a·sel, India Sorkari, Pradhan Mantri Garib Kalyan Ann Yojana (PMGKAY) a·bachengattaiaha, indake Targeted Public Distribution System (AAY aro PHH)-ni cha·ani ringanirangko man·engachim, uamangna May aro June jao japrakna sakprako kg 5 kae indin merongrangko sualatgen.
Food Corporation of India (FCI), NEF region-ni General Manager, indake u·iataha je PMGKAY scheme-ni ning·o May aro June jagnina Meghalaya-na 21455.17 MT merongrangko, uandake Mizoramna 6682.15 MT aro Tripurana 25018.33 MT merongrangko sualatenga.
Indakeba nikatna gita man·a je FCI, NEF Region-ni ning·o PMGKAY scheme-ko man·giparang Meghalayao lak 21.46 donga, uandake Mizoramo lak 6.68 aro Tripurao lak 25.01 donga.
Ia on·atenggiparang pilakan National Food Security Act (NFSA)-na on·dapatgiparang ong·a aro pilak korosrangkon India Sorkari gamgen.
