SHILLONG: A·doko COVID-19 sabisichi aroba load shedding-chi sinjetanirangko man·genchimoba, SSLC aro HSSLC porikkarangko seenggipa chatro chatrirang, uamangni miksonganiko jaksokna gita, ia pilak ra·bianirangko chakchike uamangni janggi tanganio ba poraianio mongsonggipa porikkarangko setokenga.
SSLC porikkako seenggiparangoni saksa indake aganaha je ia a·gilsakni bilrang hajal hajal porikka seenggipa chatro chatrirangna namen ra·biani ong·enga, indakoba uni janggi tanganio chu·sokanina re·mikkanganio maming champenganiko ra·bana man·jawa ineba ua aganaha.
Unomitingo, a·gilsakni bilrangchi jegita sinjetanirangko man·genchimoba, porikkao chu·sokna uni nambatakon on·gen ine HSSLC porikkako seenggiparangoni saksa aganaha.
‘‘Board porikkarangko seenggipa chingni chatro chatrirangna chinga namen rasong chaa, jegita ra·bianirangko aro neng·nikatanirangko man·genchimoba uamang porikkarangko gisiko nangen setokenga, aro porikka segiparangni percentage-ba tikan ong·aienga’’ ine Additional Chief Secretary, Education, DP Wahlang aganaha.
Uagana; ‘‘obostarangchi namen sinjetako man·genchimoba Matric aro Class 12-ko segiparang 98 precent-na bata.’’
Shillong, Tura, aro Jowai ia damgittam biaprango champengataniko ra·gatoba ba rakbata niamrangko ra·gatatgenchimoba porikka segiparangkode watenga ineba Wahlang aganaha.
Indake ong·engon, Board porikkani result-rangko June-ni bon·kamgipa antirangonin parakatna a·bachenggen ineba DP Wahlang aganaha.
Follow us
Stay connected with us on our social media platforms for latest news, updates and promotions.
About Us
The Shillong Times first appeared as a tabloid weekly on 10th August 1945 under the editorship of Late Sudhindra Bhusan Chaudhuri. In 1958 it was converted to a Daily. Owing to financial constraints, within six months it reverted back to a weekly.
Latest news
Popular news
© 2025 The Shillong Times. All Rights Reserved | Crafted with IndoAge