U·IATTIMGIPAONI
Shillong: Meghalaya Governor Satya Pal Malik, COVID-19 sabisiko warachakna gita maikae tarisoengachim, uarangni bidingo talgrikna gita Army, Air Force, Assam Rifles, BSF aro CRPF dolni dilgiparangko Shillong grongaha. Uni, Armed Force-rangko grongani miksonganiara, COVID-19 sabisiko dakgrikchakna gita uamangni armed force-rangko aro paramilitary force-rangko, uamangni hospital-rango aro quarantine facility-rangko, ICU aro oxygen dakgiparangni bidingo aroba A·dok Sorkari baksa maikae bakrime kamrangko ka·enga uarangni bidingo talgrikna gita ong·a.
Indake Ma·mongni Defence Minister-ni ge·etataniko man·enba ia tom·aniko ong·ataha aro COVID-19 sabisiko armed force-rangni gisepo bakrime dakgrikchakchina gitaba Defence Minister ge·etatahachim.
Air Force-ni Air Marshal Amit Dev, AOC HQ EAC, Lt General K C Panchanathan, GOC, 101 Area, Army, Major General S S Deusi, Assam Rifles, Armed Force-ni gita tom·anio bakko ra·aha unomitingo central paramilitary force-rangni gita Sonal V Mishra, IPS , CRPF, D Haokip, DIG, BSF gita bakko ra·angaha.
Indake jedakgipa nanggitik sokgitikani somoioba uamang dakchakna tarie donga ine armed force-rang aro Central Paramilitary force-rang ku·rachakaha.