WILLIAMNAGAR: Garo Hills-oba corona sagiparang batrikrikengon, East Garo Hills, Williamnagar Loyola college-o poraigipa chadamberang blood donate ka·na ba an·chi on·gilna re·mikkangtokaha. Sonibar salo sorkarini blood bank-ona sokangtokakha.
Williamnagar Civil Hospital Blood Centre, Civil Hospital Blood Bank, Tura, National Health Mission Meghalaya, Meghalaya Aids Control Society aro State Blood Tranfusion Council bakrime ‘Saving Lives’ ine theme -ko done ‘Voluentary Blood Donation Camp and Awareness Programme’-ko Lolola College-o ong·ataha.
Ian skanggipa changna college-o blood donation programme-ko ong·ataha, college-oni sak 37 chadamberang me·chikrangkoba man·chape, blood donation-o bak ra·e an·chi on·giltokaha.
Government Civil Hospital, Tura-ni Mobile Blood Collection Unit -ni medical staff-rang bak ra·gipa volunteer-rangna blood donation-ni gamchatako skie agane on·aha. Minggipin programme-ko ong·aton covid-ni chu·gimik niamrangko ja·rikaha.
College-ni chadamberangni Blood Donation Camp-o bak ra·anina de·mittelate, Mobile Blood Collection unit-ni saksa senior medial official, indine aganaha, “college-ni chatro-chatrirangni camp-o bak ra·aniko nike jagokpilaha, apsan daken bang·a Institution aro College-rangba Loyola College-oniko skie ra·na nanga.”
Uandake Loyola College-ni principal Fr. Dr Sunny Augustine SJ, an·chi on·gilgipa chatro-chatrirangko de·mittelaha. “Chingni chatro-chatrirang dangdike on·na gisik nanggiparang ong·a. Ian Loyola-ni ka·dongani ong·a.” Indake principla, Williamnagar-ni District Administration-ko camp-ko ong·atna cholko on·anina gimin mittelaha. Unbaksana Williamnagar aro Tura-ni Civil Hospital, National Health Mission, Meghalaya, Meghalaya Aids Control Society and the State Blood Transfusion Council aro camp-o bak ra·giparang gimikkon mittelataha.
