WILLIAMNAGAR: A·doko covid sagiparang batrikrikengani gimin East Garo Hills-ni District Magistrate, Swapnil Tembe, CrPC Section 144-ko ra·gatna ge·ete, school, college, coaching institution aro gipin educational institution-rangko May 1 tarikoni May 10 tarikona chipataha. Indiba MBOSE-ni porikkako Covid-19-ni protocol-ko ja·rike ong·ataikugen.
Ge·etani gita, district-o donggipa gimik dokanrang aro commercial establishment-ko salantini atam 7 bajion chipna nanggen, aro olakiani biaprangko chipatgen. Bia ka·na tom·aniko District Magistrate-o sing·chengna nanggen.
Political, public, social, meeting, training aro toromni gita tomg·anirangko dakna man·jawa. Gipin a·dokrangoni tourist napna man·jawa.
Unbaksana wal 10 bajioni pring 5 bajiona donggipa night curfew, security force, medical team aro gipin emergency service-na ong·jawa. Nangchongmotgipa bosturangko salruranioba champengani dongjawa.
Public place ba jinma roram biaprango face mask-ko ganna nanggen, sada-biri aro stuna man·jawa. Niam pe·gipako rim·a man·ode dai gamna nanggen.
