SHILLONG: A·doko COVID-19 sabisi saginchi bilaken giproroengani gimin champengsoani aroba giproroaniko chel·chakna gita District Magistrate, East Khasi Hills District, Meghalaya Epidemic Diseases, COVID-19 Regulations, 2020-ni Regulation 3 baksa under Section 144 CrPC-ko district gimikon May 3 tarikoni pring 5 bajiona walanti attam 10 bajioni pring 5 bajiona ra·dodapataha.
Indake ong·engon, medical team-rang aro COVID-19 duty ka·gipa official-rang, police, security aro armed force-rang, Civil Defence aro Home Guard volunteer-rang, wholesale aro retail pharmacy-rang, Fire aro Emergency Service, MeECL, NEEPCO aro Power Grid, FCI garirang, Corona Care Centre-rangni officer aro staff-rang, press, print aro electronic, Information aro Public Relations Department, National Highways & Infrastructure Development Corporation Ltd, Shillong Municipal Board aro Telecom service, iarangnade ra·gatatenggipa walni curfew bak nangejawa.
Unomitingo Petrol pump-rangko walni 11 bajiona kulina gita watenga aro cha·ani ringani bosturangko nokrangona soke on·giparangnaba 11 bajiona cholwatenga.
