TURA: North Garo Hills a·jao niam gri palenggipa churangko police-rang rim·aha ine kobor on·aha.
Koborko on·ani gitade, North Garo Hills a·jani Chidaret jolo niam gri churangko palenga ine koborko man·soani ja·mano Resubelpara police station-ni officer-rang, sipairang baksa Chidaret bazar jolko chadrapeaha aro ua biaponiko bang·bea churangko man·aha.
Niam gri chu palgipa manderangni bike-rang aro garirangkoba police-rang, rim·e ra·angaha aro da·o iani bidingo police-rang name am·sandianirangko dakengkua ineba kobor on·aha.
