TURA: West Garo Hills a·jani a·kawe jolrangoba COVID-19-ko man·giparang batrorobaengani gimin sabisini giproroaniko champengna gita Selsella, Demdema aro Tikrikilla block-ni ning·o donggipa mongsonggipa biaprango manderangni skatang re·ruraani aro bazar anti cha·anirangko district administration champengatchengaha.
West Garo Hills a·jani Deputy Commissioner Ram Singh-ni u·iatani gitade, ia biaprangko containment zone dakengmiting somoirango ia biaprango pilakni gitan jinma tom·bimonganirangko dakna man·jawa aro mande siani ba bia ka·anirangoba permission-ko ra·chenge sak 30-na bate tom·na man·jawa.
Ia biaprangko chipe donatengmiting somoirango antio changsa bazar cha·giparangko chipe donna nanggen aro me·su samjakrangna agrede pala sim·anirangko dakna man·jawa ine DC u·iataha.
Olakkiram nokrangkode ia salrangni gisepo kulina gita man·skajawa.
Nangchongmotgipa dokkanrangko pring 8:00 bajioni attam 5:00 bajiona kulina man·gen ineba DC u·iataha.
Comments are closed.