ECI, by-election-rangko dontongatchenga

NEW DELHI: A·songo COVID-19 sabisi bilongengani gimin, A·dok UT-rango Parliamentary aro Assembly Seat-rangna by-election  ong·atna bangki dongenggipa pilakkon dontongatkuaha.
Meghalayao 47-Rajabala aro 13-Mawryngkneng Assembly constituency-rango bye-election ong·atna nangenggipako man·chape pilak pilak parliamentary aro Assembly by-election-rangkon Election Commission of India (ECI) dontongatchengah.
ECI-oni u·iatani gitade, da·o by-election ong·atna nangenggiparangara, Dadra & Nagar Haveli, 28-Khandwa (Madhya Pradesh) & 2-Mandi (Himachal Pradesh) Parliamentary  Constituency-rang dongengachim aro  Haryanao 01-Kalka aro 46-Ellenabad, Rajasthano 155-Vallabhnagar, Karnatakao 33-Sindgi, Meghalayao 47-Rajabala aro 13-Mawryngkneng 5(ST), Himachal Pradesho 08-Fatehpur aro Andhra Pradesh-o 124-Badvel (SC), ia damchet Assembly  Constituency-rang by-election-rangko ong·atna nangengachim. Iarangna agreba bang·a bang·ja seat-rang dongengkua, jerangni report ba koborrangan namedake tik ong·srangkujaenga ine ECI-oni parakataha.
Indake ong·engon, somoi namako nigrike election-ko basako ong·atgen, Commission nigrikenba somoirangko tik ka·atgen ineba parakataha.