Sal 60-ni gisepon Tura-o COVID hospital-ko man·gnok

TURA: Tura-ni Inter-State Bus Terminus (ISBT)-o COVID-19 hospital-ko kulina Meghalaya sorkari manchiangaha aro ia hospital-ko sal 60-ni gisepon rikmangen ine Bristibar salo, a·dokni Chief Minister Conrad K Sangma parakataha.
“Tura-o COVID-19 hospital-ko chinga koros komiao rikna manchiangaha aro anga bebera·a chinga ia hospital-ko sal 60-ni gisepon matchotatna man·gen,” ine Chief Minister, kobor ra·timgiparangna parakataha.
Ia hospital-na sorkari tangka paisarangko chimonge dongen ine janapatengon, ia hospital-ko Tura-ni ISBT-o rikna sorkari manchiangaha ine Sangma parakataha.
Tura-o COVID hospital-ko rikna man·chipkujaengani gimin dingtang dingtang dolrangni matnanganirangna aganchakaniko on·angengon, hospital-ko rikna gita biapko sandion Tura jillani chel·chala biapkosa nangnike ja·mano sorkari ia hospital-ko ISBT-o rikna tik ka·aha ine Chief Minister parakataha.
Ia hospital-ko ja·mano gipin kamrangna jakkalskana man·na gitasa sorkari hospital-ko rikna miksongenga ineba Chief Minister parakataha.
Tura-oba COVID-19-ko man·giparang batrorobataiengahani gimin sorkari ia COVID-19 hospital-ko rikna tik ka·taiaha.