SHILLONG: COVID-ni nanga kamrangna uamangni biap aro building-rangko jakkalna on·a ba on·ja paltangtang gita chanchie dakaichina ine Shillong Archdiocese, parish-tangtangna aro institution-tangna bilko pakwatataiaha.
Ia chango obostarang namen dingtangaha, unigimin uamangni biaprangko aro building-tangko COVID-ni kamrangna jakkalna on·a on·ja uko parish-tangtangna aro institution-tangna chanchiaichina ine Shillong Archive-ni Fr. Richard Majaw, aganaha.
‘‘Indake badiaba biaprangkode COVID-na jakkalna gita altuen on·na man·aia indiba jakkalna on·togijagipa biaprangba donga’’ ine aganengon, paltangtang gita chanchie dakaichina gita Shillong-ni pilak parish-rangnan u·iatmanaha ineba Majaw aganaha.
Shillong Archdiocese-ni ning·o ge 35 mang parish-rang donga aro da·srikkari skanggipa changna COVID man·ani somoio, bang·a giljarangan uamangni biaprangko COVID sagiparangna jakkalchina gita on·enba Sorkarina dakchakanirangko on·aha ineba ua aganaha.
Indake ong·engon, ia rakbegipa obostao sorkari baksa bakrimaniko on·china gita Sorkari ian chango pilak bebera·gipa dolrangko mol·molahachim.
Building-rangko COVID-na jakkalna on·a on·ja namnikatang gita dakchina Fr. Richard agana
Date:
Share post:
