SHILLONG: Meghalayao gipin salrangna bate bang·bate sak 450 manderang COVID-19 sabisiko man·dapaha. Uamangoni gimikna bate East Khasi Hills-on sak 312 manderang Covid man·aha, uamangni ja·mano West Garo Hills-o sak 45, Ri-Bhoio sak 27, East Jaintia Hills-o 20, West Jaintia Hills-o sak 18, South West Garo Hillso sak 15, West Khasi Hills-o sak 6, East Garo Hillso sak 5 aro North Garo Hills-o sakgni manderang mijalo COVID man·daptaiaha.
Indake batanggimin konta 24-ni gisepo sak 206 manderang COVID sabisioni nampilskaaha, uamangoni East Khasi Hills-o sak 148, Ri-Bhoio sak 26, West Garo Hills-o sak 12, East Jaintia Hills-o sak 10, West Jaintia Hills-o sak 6, South West Garo Hills-o sak 2 aro North Garo Hills-o saksa.
Unomitingo saksku manderang COVID sabisio siangdapaha. Uamangoni East Khasi Hills-o sakdok, West Jaintia Hills-o sakgni aro Ri-Bhoio saksa.
Meghalayao COVID-19 sabisiko man·giparang gimikchide sak 20,579 gapahachim, uamangoni sak 17,040 nampilaha, sak 242 manderang sabisio siangaha, indake da·al COVID man·dapgipa bang·ani a·sel sabisi man·e donggiparang da·o sak 3,297-ona gapdoangaha.
