URA: Tikrikilla jolo donggipa Naguapara GHADC constituency-ni gitcham MDC Mrinal Marak, re·anggipa Budbar salo rang·gitik ka·tongni saaniko man·enba a·gilsakko watangaha ine kobor on·aha.
Budbar salo a·gilsakko watanggipa Mrinal Marak sagi, 2004 bilsini GHADC election-o NCP-ni tikitchi susaenba, Naguapara constituency-o seokako man·ahachim aro uni bilsi bongana MDC ong·e dangdike on·anio ua GHADC-o resource mobilisation committee-ni chairman ong·angahachim.
Ia bilsini GHADC election-oba Marak sagi, Naguapara constituency-onin Congress tikitchi susataiahachim indiba ua NPP-ni candidate Dhormonath Sangma-ni jako amako man·skaahachim.
Uni sianganina GHADC-ni gitcham chairman Denang T Sangma, an·tangni kalimpaaniko parakataha.
“2004 bilsini GHADC election-o chinga sakgnian apsan doloni susae seokako man·aha aro chinga melina a·bachengaha. Seokako man·gipa membor ong·e ua district council-na bang·en on·gilangaha indiba ua da·alo rang·gitik a·gilsakko watangahani gimin anga namen duk ong·a,” ine Denang Sangma parakataha.
GHADC-ni gitcham MDC Mrinal Marak.
