SHILLONG: A·doko mijal salni bako sak 569 mande-rang COVID-19 sabisiko man·daptaiaha aro sak 354 COVID sagiparang sabisi-oni nampilskaha.
Mijal salni bako COVID sabisi man·daptaigipa sak 569 manderangko chanede Meghalayao COVID-19 sabisiko man·giparang gimikchide sak 23,332 gapangaha.
Robibaro COVID sabisiko man·taigipa sak 569-oni EKH-o sak 279, Ri-Bhoio sak 117, WJH-o sak 43, WGH-o sak 34, WKH-o sak 33, SWGH-o sak 31, EJH-o sak 19, SGH-o sak 8, SWKH-o sak 7 aro sak 3 EGH-oni.
Unomitingo sak 354 manderang mijalo COVID sabisioni nampiltokskaha. Uamangoni EKH-o sak 213, Ri-Bhoio sak 55, WGH-o sak 26, WKH-o sak 21, EJH-o sak 16, WJH-o sak 9, SGH-o sak 6, EGH-o sak 4 aro SWGH-oni sak 4.
Indake ong·genchimoba, batanggimin konta 24-ni gisepon sak 19 manderang COVID19 sabisio siangtaiaha, uamangoni sak 17 East Khasi Hillsoni ong·aha aro West Khasi Hills, South West Khasi Hills aro West Garo Hills-o sakprak dake siangaha.
A·doko Covid man·giparang gimikchide sak 23,332 gapahachim, uamangoni sak 18,478 manderang sabisioni nampilaha aro sak 320 manderang siangaha, Covid man·giparang da·oba sak 4,534 dongengkua.
