TURA: Re·anggipa Budbar salo, South Garo Hills a·jani Jadi bazar jolrango donggipa manderangko COVID-19-na porikka ra·e nianio saksku manderang positive ong·ahani gimin Jadi bazar-ko May 20 tarikoni re·baenggipa May 25 tarikona chipe donatchengaha ine South Garo Hills a·jani Deputy Commissioner u·iataha.
Ia Jadi bazar-ko chipe donengmiting somoio COVID man·gipa manderangni nokdangrangko aro samba jolo donggipa manderangkoba porikka ra·e niangkugen ine u·iataha.
Ia Jad bazar-ko chipe donengmiting somoio bazar ning·o donggipa manderangko gipin biaprangchi ong·katjachina aro gipin biaprangoni manderangkoba ia bazar-ona re·bajachina gita Deputy Commissioner u·iataha.