Health Minister, Gurudwara-o Corona Care Centre-ko kuliate on·a

SHILLONG: Health and Family Welfare Minister, Sonibar salo Guru Singh Sabha Gurudwara-o Corona Care Centre-ko oprakate on·e, sikh community-ko mande jatni namgnina dangdike on·enganina de·mittelaha.
“Pandemic a·bachengaonin Sikh Community-ni mikkangona re·bae duko ga·akgiparangna dakchakaniko gimikan nikenga. Mandena dangdike on·aniara Nokgipana dangdike on·a gita ong·a ine janapatenba Health Minister Hek, Sikh Community-ko uamangni biapko Corona Care Centre dakchina on·ani gimin mittelataha.”
Corona-ni somoiosan ong·aija Sikh Community, gipin salrangoba maiba obosta ba a·sel ong·arangoba pangnan dakchakaniko on·ronga ine agane Minister, Sonibar sao kuliatgipa Corona Care Centre-na sorkari chu·gimik dakchakaniko on·gen ine ka·dongataha.
Gital kuligipa centre-o ge 20 palang donga aro komibeoba ge 10 palango oxygen cylinder donggen.
Centre-ko a·bachengao Sikh Community-sa a·songni dingtang dingtang a·dokrango oxygen chu·ongjaengako nike, a·doko uandakgipa obosta sokjana gita oxygen cylinder gita kuliahachim, jekon sorkari, da·o Corona Care Centre dakatskaha.
A·doko covid sagiparang batrikrikengani somoio Sikh Community-ni iandakgipa ja·ku de·aniko bang·arangan de·mittelataha.