SHILLONG: Interstate ba a·dok damsaoni damgipinona songreaniko champengataomangba sak 20 migrant worker-rangko Shillong Bypass Bhoirymbong-o rim·a man·ani ja·man a·dok sorkari, district authority-ko entry point-o nirokaniko bilakatchina ge·etaha.
Deputy Chief Minister, Prestone Tynsong, Sukrobar salo, “sorkari gimik SP aro DC-rangko gronge chanchirimao, entry point-o nirokaniko bilakatchina aro gari napgipa ge·antikon check ka·china ge·etaha,” ine aganaha.
East Khasi Hills aro Ri Bhoi district-ona emergency service-na agreba darangba lockdown-ni somoio re·bana man·jawa ine agantalataha.
Hynniewtrep Youth Council, mijaomangmang Assam-oni Meghalaya a·dokona niamgri napbagipa sak 10 migrant worker-rangko watatpilaha.
Uandake migrant worker-rang niamgri re·baa baksanaba a·doko niamgri koela salruranikoba nikna man·aha. Mni Butbar salo Nongpoh-o koela gape salgipa bolbri truk gariko rim·aha.
