TURA: South West Garo Hills a·jani Ampati Civil Hospital-o COVID-19-na porikka ra·e nianio positive ong·gipa dongahani gimin hospital-ni out patient department (OPD)-ko May-ni 23 aro 24 tarikrango salgnina chipe donatchengaha ine South West Garo Hills a·jani Deputy Commissioner u·iataha.
COVID-19-ni batrikrikaniko champengna gita ia hospital-ni OPD-ko salgnina chipe donanio, hospital-ko samrangchi rongtalatgen aro gipinrangkoba COVID-19-na porikka ra·e niangkugen ine u·iataha.
Ia Ampati Civil Hospital-ni OPD-ko chipe donengmiting somoio OPD-ni kamrangko nangenggipa manderang Betasing primary health centre (PHC)-ona re·ange sanna bananirangko ra·skana man·gen ineba South West Garo Hills a·jani Deputy Commissioner u·iataha.