SHILLONG: Kenbegnigipa COVID-19-ni tikarangko su·china manderangko didianio a·dok sorkari chu·sokgipa ong·jaengon, ia tikarangko su·china gita da·o dingtang dingtang toromrang aro gipin dolrangba manderangko didina ku·rachakangaha.
Meghalaya a·doko health worker-rangko man·chape bang·bata manderangan COVID-ni tikarangko su·e ra·na kentokengani gimin dingtang dingtang toromko dilenggipa dolrang aro gipin NGO-rangba manderangko didina ku·rachakangaha aro ian tikarangko su·na ja·kuko de·anio a·dok sorkarina dakchakani gita ong·gnok.
Iani bidingo kobor ra·timgipa manderang baksa agangrikengon, ia gital chasongode manderang tikarangko su·e ra·na kenna gita nangjaha ine Shillong-o donggipa Catholic Association-ni general secretary Barnabas Nongbah talatangenba, uamang mande sakantikon re·bae tikarangko su·e ra·china didienga ine parakataha.
“Ia chasongode an·ching naljokani gnang tikarangko su·e ra·na man·aiaha,” ine janapatengon, Meghalaya a·doko bang·bata chadamberangan COVID-ni tikarangko su·na nangniktokengani gimin sorkari, chu·onga gita tikarangko on·na nanga ine Nongbah didiangaha.
Apsan daken, Central Puja Committee-ni general secretary JL Das-ba manderangko tika su·e ra·china didina gita East Khasi Hills-ni deputy commissioner dingtang dingtang toromni dilgiparangko rimchimonge committee-ko songaha ine parakataha.
“Chingaba an·tangtangni man·a gita dakchakanirangko on·enga aro pilak Hindurangkon tika su·e ra·china didienga,” ine Das parakataha.
Indake ong·engon, Meghalaya a·doko songdongenggipa Muslim-rangko aro gipinrangkoba ia sal somoirango tikarangko su·e ra·china didienga ine Phulbari-ni MLA SG Esmatur Mominin-ba parakataha. Adita salrangna skang ua Chibinang-o tom·aniko ong·atangenba, songni dilgiparangko aro manderangko tika su·e ra·china aro gipinrangkoba didiskachina ua aganaha ineba Mominin parakataha.
Meghalaya a·doko songdongenggipa mande sakantikon tika su·e ra·china gita Khasi Hills Autonomous District Council (KHADC)-ba didiangaha.
COVID-ni tikarangko su·e ra·china dingtang dingtang dolrang, manderangko didia
Date:
Share post:
