SHILLONG: Hajira ka·e cha·enggiparangna sorkarini dakchake on·enggipa tangka paisarangni bidingo ong·gija dake sorkariko matnangahani gimin Sombar salo, Meghalaya a·dokni Deputy Chief Minister Prestone Tynsong, Thma U Rangli-Juki (TUR)-ni dilgipa Angela Rangad-ni kosako jegalataha aro sorkarini dakchake on·enggipa tangka paisarangko hajira ra·e cha·enggipa sakantiande man·ani ong·ja ine talataniko on·angaha.
Tynsong-ni parakatani gitade, sorkarini on·enggipa tangka paisarangni bidingo sorkariko tol·e matnangahani gimin bang·a manderangan dilsretaniko man·naba gnang ine nike ua iani bidingo talataniko on·na nangnikaha.
Deputy Chief Minister-ni talatani gitade, re·anggipa bilsio skanggipa changna COVID-19 giproroaniko champengna gita lockdown-ko ra·gatani somoio janggirangko gimaatna nanggipa kangal cholgrirangna sorkari, gong 2,100 ka·e on·aha aro iana ua somoio sorkari, king 2,33,194 dorgastorangko man·soahachim. Ia dorgastorangko galanio togi-cha·bokgiparang dongjana gita sorkari dorgastorangko seokna dingtangmancha kamko NIC-na pakwate on·aha.
Sorkarini dakchake on·enggipa tangka paisarangko dingtang dingtang department-rango kamko ka·enggipa labour-rang, PMKISAN, Building & Other Construction Workers Welfare Board (BOCWB)-o man·chapgipa labour-rang aro job card gnang MGNREGA-ni kamko ka·enggiparangba man·ani dongja ine Tynsong parakataha.
Indake ong·engon, ia tangka paisarangko ra·na gita dorgasto galgiparangoni sak 1,81,491-ko sorkari seokaha aro da·o gimik sak 1,45,161 manderangde ia tangka paisarangko man·tokaha aro bangki dongkuenggipa sak 36,330-rangnaba tangka paisarangko da·o on·atengaha ine Deputy Chief Minister parakataha.
Hajira ka·e cha·enggipa pilakande sorkarini on·enggipa tangkako man·ja: Tynsong
Date:
Share post:
