SHILLONG: Shillong songjinmani North Eastern Indira Gandhi Regional Institute of Health & Medical Sciences (NEIGRIHMS)-o kam ka·enggipa sak 125 manderang COVID-19 positive ong·aha ine official-rang u·iataha.
NEIGRIHMS-o kam ka·enggipa doctor-rang, nurse-rang, ward attendant-rang aro gipin kam ka·giparangko man·chape gimik sak 125-mangni gitade COVID-19-na porikka ra·anio positive ong·e quarantine-o dongenggiparang ong·a ine Sombar salo NEIGRIHMS-ni public relation officer (PRO) Dr Cornerstone Wann parakataha.
NEIGRIHMS-o kam ka·enggipa doctor-rang aro nurse-rang COVID-19-ko man·ahaoba hospital-o sae dongenggipa manderangna aro out patient department (OPD)-o sannanirangko ra·na re·baenggipa manderangna hospital-ni official-rang, nirok sandianirangko aro sanna bananirangko on·na gita ja·kurangko de·aha ineba Dr Wann parakataha.
“Iandakgipa obostani somoirango salgro salaram a·dokrango songdongenggipa manderangni namgnina NEIGRIHMS-ni administration, hospital-o donge sannaniko ra·giparangna aro OPD-o sannanirangko ra·na re·baenggiparangna dangdike on·angkugen,” ine NEIGRIHMS-ni PRO Dr Wann parakataha.
Indake ong·engon, hospital-rango aro noktangtangoba COVID-ko warachakna dongimin dingtang dingtang niamrangko ja·rikchina gitaba ua manderangko didiataha.
