SHILLONG: Sombar salsani gisepon Meghalaya a·dok gimiko sak 811 manderang COVID-19 man·dapaha aro ia apsan salon sak 24 manderang COVID-19 man·e siangskaaha.
Sombar salo COVID-19 man·dapgipa sak 811 manderangko channe da·o Meghalaya a·dok gimiko COVID-19 man·e dongenggiparang gimik sak 7788 gapengaha aro COVID man·e sianggiparangara gimik sak 483 gapskaengaha.
Sombar salo positive ong·gipa sak 811 manderangoni sak 5-de East Garo Hills-o, sak 22-de East Jaintia Hills-o, sak 559-de East Khasi Hills-o, sak 10-de North Garo Hills-o, sak 103-de Ri Bhoi a·jao, sak 6-de South West Garo Hills-o, sak 4-de South West Khasi Hills-o, sak 21-de West Garo Hills-o, sak 77-de West Jaintia Hills-o aro sak 4-de West Khasi Hills a·jao ong·a.
Sombar salo COVID man·e sianggipa sak 24 manderangoni sak 17-de East Khasi Hills-o, sak 3-de West Jaintia Hills-o, sak 1-de West Garo Hills-o, sak 1-de East Jaintia Hills-o aro sak 2-de West Khasi Hills a·jao ong·skaa.
Ia apsan salon gimik sak 679 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 22221 gapskaengaha.