SHILLONG: Ma·mongni Finance Minister, covid-ni bosturango GST-ko tik ka·na Minister-rangni dolko songchina ra·chakataha, ine Meghalaya Chief Minister, Conrad Sangma, koborna u·iataha.
Mni Sukrobar salo konta 8 GST council meeting ka·angaha.
Indake Sonibar salo kobor ra·timgiparang baksa agangrikmitingo Chief Minister Conrad Sangma indine aganaha, “council-na report-ko on·gipa committee, covid-ni bosturang jekai vaccine, ventilator, hand sanitizer ba uandakgiparango GST-ko ko komiatna mol·molaniko on·aha.”
Ventilator aro vaccine-o GST rate-ko 18 percent dona donga uni gimin covid-ni gimik bosturango dongimin rate-ko 0 percent-ona ra·onchina gita chanchirimaha.
Indiba, rate-ko komiatna man·jawa maina niam dongja ine Chief Minister u·iataha.
Aro rate-ko komiatna mol·molanian 70 percent batangjok ine u·iatenba a·doko covid-19-ko warachakna tax ba kajina aro tangkako nangenga ine CM, u·iataha.
Sakgipinrangni aganako knaani ja·man, Finance Minister, iani bidingo chanchirime rate-ko tik ka·na Minister-ni group-ko songchina ra·chakataha aro report-ko on·china ge·etaha.
Uandake GST council-ni meeting-ko 10-12-ni ja·man ong·atgen ineba u·iataha. Uandake Covid-19-ni bang·a bosturangkon sorkari an·tangan breenga uni gimin jinma manderango nangchakejawa ineba Chief Minister aganaha.
Niatgenchimode, vaccine-ni rate-ko 0 percent-ona ra·onchina dabiaha. Rate 5 percent ba 0 percent ong·china, vaccine-ko manderangna indin on·enga ine parakataha.
GST council meeting-o Covid-ni bosturangni damko komiatna chanchia
Date:
Share post:
