SHILLONG: Meghalaya a·doko COVID-19-ni giproroaniko champengna man·kujaengani gimin Nokgipa Isolni dakchakaniko bi·na gita Robibar salo dingtang dingtang toromrangni apsan bi·rimaniko sorkari ong·atangaha aro ia bi·anio dingtang dingtang toromni dilgiparang baksana a·doko songdongenggipa pilak manderangba noktangtango bi·rimanirangko dakangaha.
Meghalaya a·doko COVID-19 ta·raken giproroengani a·sel bang·a manderangan siangna nangengahani gimin sabisini giproroaniko bon·atna gita dingtang dingtang toromo bebera·giparang, Nokgipa Isolo bi·rimanirangko dakangaha.
Ia bi·ani program-ko ong·atani bidingo a·dokni Chief Minister Conrad K Sangma, talataniko on·angengon, Meghalaya a·doko COVID-19 batrikrikenganichi bang·a manderangan siangna nangengahani gimin Nokgipa Isolni pattianiko man·na gita dingtang dingtang toromo bebera·giparangni ku·cholsan bi·rimaniko sorkari ong·atna nangnikaha ine parakataha.
Ia bi·rimanio bakko ra·tokahani gimin ua dingtang dingtang toromni dilgiparangko aro noktangtango donge ia bi·anio bak ra·gipa mande sakantikoba mittelpilangaha.
Apsan daken, ia bi·aniko dilgipa aro bi·anio bak ra·gipa mande pilakkon a·dokni Health Minister AL Hek-ba mittelpilataha.
Internet gita dingtang dingtang toromni bi·aniko Rev Edwin H Kharkongor dilangaha aro bi·anio dingtang dingtang torom aro ma·malni dilgiparangba bakko ra·angaha.
 |
ReplyForward
|
