SHILLONG: Meghalaya a·doko niam gri koela bikotaniko champengatani ja·manoba a·dokni dingtang dingtang koela a·damrango niam gri koelarangko bikotengani a·sel dosgri manderangsa siangna nangrongengani gimin MDA sorkario bakrimenggipa United Democratic Party (UDP) dol baksana opposition dolrangoniba a·dok sorkarini kamo suk ong·gijaniko parakattokaha.
Meghalaya a·doko aro mongsongbate East Jaintia Hills a·jao niam gri koelarangko bikotengani a·selan batanggimin changrango bang·en a·sel ong·anirangko nikna man·ahachim aro Robibar attamoba koela bikotenggipa mande sakbonga, koela a·damo gimataina nangahachim ine nikna man·a.
Indake ong·engon, Meghalaya a·doko niam gri koela bikotanirangko champengna man·jaengani a·sel iandake dos gri manderang bang·en sina nangengahani gimin UDP dolba, sorkarini kamo suk ong·gijaniko parakataha aro iandakgipa kamrangko UDP maming dakeba ra·chakna man·jawa ine parakataha.
“Iandakgipa a·sel ong·anirangara sorkarini kamkon mesokani ong·enga aro ian namen rasong grie ong·ani aro namen ra·chakna man·gijani ong·engaha,” ine UDP-ni general secretary Jemino Mawthoh parakataha.
Meghalaya a·doko niam gri koela bikotaniko champengna man·jaengani a·sel manderang bang·en janggitangtangko gimaatna nangengaha ine janapatengon, mikkangchiba sorkari, iandakgipa kamrangko champengna ja·kurangko de·jagenchimode UDP dolni gita dingtang ja·kurangko de·skana draatako man·gen ine UDP-ni general secretary mikrakataniko on·angaha.
Apsan daken, Meghalaya a·doko niam gri koela bikotanirangko champengna man·jaengani a·sel dosgri manderangni siangna nangengani gimin a·dokni opposition Congress dolba suk ong·gijaniko parakataha.
Robibar attamo koela bikotenggipa manderangni koela a·damo gimataiahani gimin an·tangni suk ong·gijaniko parakatengon, iandakgipa a·selrangara sabisirang giproroani somoirangoba Meghalaya a·doko niam gri koela bikotaniko mesokanisa ong·enga ine Congress dolni MLA Ampareen Lyngdoh parakataha.
East Jaintia Hills aro Khasi Hills a·jarango lockdown-ko ra·gatengoba, maikai ia gipin a·dokni manderang re·bae koelarangko bikotengachim aro ia koelarangko bikotanichi sawa namgniko man·enga, uarangni bidingo a·dokni manderangna talate on·china gitaba Congress MLA, a·dok sorkario dabiangaha.
“Meghalaya a·doko niam gri koela bikotengani a·sel mande sakbongani gamchatbegipa janggirang gimataina nangaha aro ian a·dok sorkarina namen kratchana nangani ong·enga,” ine Lyngdoh parakatenba, ia a·selni bidingo kakketko manderangna talatchina sorkario dabiangaha.