SHILLONG: Assembly Committee on Women’s Empowerment-ni chairperson Ampareen Lyngdoh, til·eka mamlao matnanga man·gipa MLA Thomas Sangma-ko House of Committee- memborship-oniko ra·galna dabie Assembly-ni Speaker Metbah Lyngdoh-na chitti seataha. Indake chittiko man·soe Speaker, mamlako nirokatenga.
North Tura-ni legislator-ni kosako saksa me·chik, kal·akani mamlao FIR segataha, uni ja·man me·chik legislator Ampareen Lyngdoh, Speaker-na chitti seatenba, dos dakgipako House of Committee of Pulbic Undertaking aro public account-oniko ra·galna nanga ine mol·molataha.
Sonibar salo kobor ra·timgiparang baksa agangrikmitingo Speaker Metbah Lyngdoh, ‘Ampareen Lyngdoh-ni seatgipa chittiko nirokatenga” ine aganaha.
“Ia mamlako name dake sandina nanggen, jeko agana ba dakna skang name dake chanchina nanggen, ine Speaker aganaha.
Minggipin kobor man·ani gita badi ka·gipaan FIR ka·ako ra·galpilna chanchienga aro ia mamlako court-ona watataha, uni gimin court-sa ia mamlako nianggen.
Unbaksana MLA Ampareen Lyngdoh-ni chitti seate badi ka·atana agre darang gipinde mamingkon aganata dongja ineba Speaker, agantalataha.
Indake ong·engon Shillong Police, duko ga·akgipa me·chikni FIR ka·anina sandianiko a·bachengataha. Police, me·chikni statement-ko ra·aha indiba badi ka·gipa me·chikni be·en an·sengjani gimin medical examination ka·kuja.
Thomas-ko House-o Committee-oniko ra·galchina Ampareen mol·molata
Date:
Share post:
